Oiartzungo Herri Musikaren Txokoak eta Hernaniko Musika Eskola Publikoko Alboka Taldeak elkarlanean albokaren ibilbidea aztertu zuten jardunaldiak antolatu zituzten 2007an. Euskal Herriko soinu tresna bereziaren ondoan launeddas-a izan zen Sardiniako adituek aurkeztuta.Kaleetan barrena ibiltzen den albokaren ondoren, urtebete beranduago, kaleetan entzunagatik, askorik mugitzen ez den soinu tresna baten txanda izan zen. Ezkilen funtzionamentua eta historia jorratu zen 2008ko herri musikaren jardunaldietan. Horretarako, hainbat eskualdetako adituak bildu zituzten Oiartzunen Herri Musikaren Txokoak eta beraiekin antolakuntzan aritu ziren Associaciò Cultural Campaners de la Catedral de València, Amurrioko Kanpaijole Elkartea eta Arientzako Kanpaijole Eskolak.Herri Musikaren 6. eta 7. Jardunaldietan esan eta gertatutakoak bildu nahi ditu liburu honek bere orrien artean inprimitutako testu eta argazkiekin.