Saioari Albizturko Landa aita-semeek eman zioten hasiera. Eta ez nolanahiko hasiera! Entzuleak txundituta geratu ziren hirukoteak aho-soinuarekin azaldutako... birtuosismoarekin. Trikitixaren errepertorioa landu zuten soinu-tresna ezberdinak nahastuta. Batzuetan hirurak aho-soinu banarekin aritu ziren, beste batzuetan aho-soinua, panderoa eta bajoa aritu ziren elkarrekin,... Biarnotik etorri zen emanaldiaren bigarren tartea. Hangoak dira Jean Marc Lempegnat eta Jaqueish Roth. Beraien eskualdeko doinuekiko erabateko maitasuna azaldu zuten oholtzaren gainean entzuten zegoen jendea berenganatuz. Protagonista nagusiak txirula, ttun-ttuna eta arrabita izan baziren ere, tarteka ahotsaren eta beste soinu-tresnen laguntza izan zuten. Landa aita-semeak eta Jean Marc Lempegnat eta Jaqueish Roth