2006 Uztaila 01 / Kontzertua Auzokalten izango da, Herri Musikaren Txokoaren ondoan, arratsaldeko 18:30-etan. Kontzertuaren ondoren afaria izango da kontzertuan parte hartu duten musikariekin.
Aintzina taldeak euskal abesti eta doinu herrikoiak oinarri dituen errepertorioa hurbilduko digu. Doinuetako batzuk berriak izango dira, garai bateko joerak jarraituz sortuak. Doinu zaharrek berriz konponketa berriak izango dituzte.
Errioxatik datorren bikoteak bere eskualdean jotzen diren dantza erritualetako doinuak ekarriko dituzte. Hala, Camero Viejoko doinu zaharrak, Rioja Altako beste batzuk, XX. mendearen hasieran Alto Najerillan bazterturik geratu zen bota edo gaita de botaz jotako doinuak entzungo ditugu.
